A: "स्पट ओतोनारी-सान्" जापानमा बसोबास गर्ने विदेशी बासिन्दाहरूको लागि, दैनिक जीवनमा आवश्यक क्षेत्रहरूमा एकपटकको लागि सहयोग प्रदान गर्ने स्वयंसेवक-आधारित जीवन समर्थन गतिविधि हो। यसले विदेशीहरूले दैनिक जीवनमा महसुस गर्ने असुविधा, कठिनाइ, र चिन्तालाई मात्र समाधान गर्दैन, तर जापानी र विदेशीहरूबीच प्रत्यक्ष सम्बन्धद्वारा आपसी समझदारीलाई गहिरो बनाउने अवसर पनि प्रदान गर्दछ।

A: OFP (ओतोनारी-सान् फामिली फ्रेन्ड प्रोग्राम) भनेको जापानी स्वयंसेवक र विदेशी बासिन्दाले निश्चित जोडीको रूपमा छ महिनासम्म निरन्तर रूपमा गर्ने गतिविधि हो भने, "स्पट ओतोनारी-सान्" भनेको एकपटकको लागि विशेष समस्या समाधान गर्ने गतिविधि हो। "स्पट ओतोनारी-सान्" र OFP हाम्रो संस्थाले सञ्चालन गर्ने कार्यक्रमहरू हुन्, र यी दुई गतिविधिहरू परिपूरक सम्बन्धमा छन्। यदि तपाईं स्पट ओतोनारी-सान् मा भेटिएका स्वयंसेवकसँग निरन्तर रूपमा संलग्न हुन चाहनुहुन्छ भने, OFP जोडीको रूपमा आवेदन दिन पनि सक्नुहुन्छ।

A：कम्पनी कर्मचारी, गृहिणी, विद्यार्थी, वरिष्ठ नागरिकहरू जस्ता व्यक्तिहरू, जो सांस्कृतिक समन्वय, विदेशी सहयोग, र अन्तर्राष्ट्रिय आदानप्रदानमा चासो राख्छन् र जापानमा बसोबास गर्ने विदेशी बासिन्दाहरूलाई सहयोग गर्न चाहन्छन्।

A：हालको लागि, प्रत्यक्ष सहयोग सेवा टोकियो र वरपरका क्षेत्रहरूमा मात्र उपलब्ध छ। टाढाका स्थानहरूबाट आएका अनुरोधहरूलाई अनलाइन मार्फत मात्र सेवा प्रदान गरिनेछ।

A：कल्याण, स्वास्थ्य, शिक्षा, र जीवनमा आवश्यक पूर्वाधार विकाससँग सम्बन्धित विषयवस्तुहरूमा, विशेष गरी प्रक्रिया र सञ्चारको समर्थन आवश्यक पर्ने कुराहरूको लागि अनुरोध गर्न सकिन्छ।
उदाहरण: बालविकास केन्द्रमा भर्ना फारम भर्नु, फोनमा सोधपुछ र बुकिङ गर्नु, अस्पतालमा फोन बुकिङ र जाँचको प्रक्रिया, शैक्षिक संस्थामा अभिभावक बैठकमा सहभागी हुनु, बच्चाको स्वास्थ्य जाँचमा सहभागी हुनु, इन्टरनेट, ग्यास, पानी, बिजुलीको जडानको लागि सेवाप्रदायकसँग सम्पर्क गर्नु, सम्पत्ति परामर्शमा सहभागी हुनु, हुलाक कार्यालय, सरकारी कार्यालय, सेवाप्रदायकसँग सोधपुछ गर्नु आदि।

A：सहयोग सामाजिक कल्याण, स्वास्थ्य सेवा, शिक्षा, र जीवनयापनको आधारभूत आवश्यकताहरूमा केन्द्रित छ। श्रम, व्यापार, फुर्सद, शौख, र सामाजिक सम्बन्ध जस्ता कुराहरूमा सहयोग गर्दैन। अनुरोध गर्नु अघि, कृपया प्रयोगकर्ता नियमावलीको "सहयोग गर्न नसकिने कुराहरू" अवश्य जाँच गर्नुहोस् र त्यसपछि मात्र आवेदन गर्नुहोस्।

A：सहयोग निःशुल्क छ। विदेशी प्रयोगकर्ताहरूले स्पट स्वयंसेवकको यातायात खर्च जस्ता वास्तविक खर्च र भुक्तानी शुल्क मात्र व्यहोर्नु पर्नेछ।

A：तपाईंलाई सहयोग आवश्यक पर्ने दिनदेखि५ कार्य दिन भन्दा अघीबाटकृपया मिति र समय अनुरोध गर्नुहोस्।

निर्धारित मिति र समयमा उपलब्ध स्वयंसेवक नभएमा, तपाईंले सहयोग प्राप्त गर्न नसक्ने सक्छ। यस्तो अवस्थामा, हामी तपाईंलाई कम्तिमा तीन दिन अगाडि जानकारी दिनेछौं।

A: सहयाेग उपलब्ध समय भनेकाेसोमबारदेखि शनिबार बिहान ८:३० देखि बेलुका ६:०० सम्महुन्छ। साथै, सामान्यतया, एक पटकको सहयोग समय३ घण्टासम्महुनेछ।

A: अनुरोध गर्दा, कृपया सहयोगको लागि प्रयोग गर्न चाहेको भाषा र उपलब्ध भाषाहरूको बारेमा सकेसम्म धेरै जानकारी दिनुहोस्। तर, तपाईंको चाहेको भाषामा सहयोग गर्न सक्ने व्यक्ति पाउन सकिन्छ भन्ने ग्यारेन्टी गर्न सकिँदैन। केही भाषाहरूको हकमा, जापानमा लामो समयदेखि बसोबास गरिरहेका विदेशी मूलका स्वयंसेवकहरूले सहयोग गर्न सक्छन्।

A：यस सहयोग गतिविधिको दायरा, सहयोग सामग्री र सहभागिता नियमहरू स्पष्ट रूपमा उल्लेख गरी सार्वजनिक गरिएको छ। साथै, गतिविधिमा सहभागी स्वयंसेवक र विदेशी बासिन्दाहरूले अनिवार्य रूपमा वास्तविक नाम दर्ता, पहिचान पुष्टि र अन्तर्वार्ता जस्ता प्रक्रियाहरू मार्फत प्रत्यक्ष सञ्चार गर्छन्। व्यक्तिगत जानकारीको सुरक्षा व्यवस्थापन र सहभागीहरूको गोपनीयतामा कुनै पनि प्रकारको उल्लङ्घन नहोस् भनेर उत्तम ध्यान र सञ्चालन पक्षको सुधार प्रयास निरन्तर गरिरहेका छौं। यद्यपि, सबैको चिन्ता पूर्ण रूपमा हटाउन सकिँदैन, त्यसैले स्वस्थ सुरक्षा चेतनासहित सहभागी हुनुहोस्। यदि सहयोगको क्रममा कुनै समस्या उत्पन्न भएमा, तुरुन्तै JII(जेआइआइ) कार्यालय (onetimesupport@j-ii.org) मा सम्पर्क गर्नुहोस्।

A: अहिलेसम्म छैन। अनुरोधकर्ता र स्वयंसेवक बीच गलतफहमी हुन सक्ने सम्भावना छ, त्यसैले सधैं कार्यालय मार्फत संचार गर्नुपर्छ। यसरी गर्दा कार्यालयबाट आवश्यक सहयोग प्राप्त गर्न सकिन्छ र समस्याहरूलाई टार्न सकिन्छ भन्ने हाम्रो विश्वास छ।

A：स्वयंसेवकहरूले जापानमा बसोबास गर्ने विदेशी बासिन्दाहरूलाई मद्दत गर्न चाहने भावना राखेर सद्भावनाका साथ गतिविधिमा भाग लिन्छन्। स्वयंसेवकहरूमा, विदेशमा बस्दा स्थानीय व्यक्तिहरूबाट मद्दत पाएका अनुभव भएका व्यक्तिहरू, विदेशी संस्कृतिमा रुचि राख्ने व्यक्तिहरू, वा विदेशी भाषाको उपयोग गरेर विदेशी बासिन्दाहरूलाई सहयोग गर्न चाहने व्यक्तिहरूले स्वयंसेवकको रूपमा समर्थन गर्छन्।

A：यदि तपाईंको चाहना छ भने अनुरोध गर्दा हामी त्यसलाई स्वीकार गर्नेछौं, तर स्वयंसेवकहरू सुविधाअनुसार परिवर्तन हुन सक्छन, त्यसैले हामी निश्चित रूपमा गर्न सक्छौं भन्ने वाचा गर्न सक्दैनौं। यदि तपाईं उही स्वयंसेवकसँग निरन्तर अन्तरक्रिया गर्न चाहनुहुन्छ भने, हाम्रो संस्थाले सञ्चालन गर्ने "ओतोनारी-सान् फामिली फ्रेन्ड प्रोग्राम (OFP)" मा जोडीको लागि आवेदन गर्नुहोस्।

A: धेरै भीडभाड हुने स्टेशनहरूमा एकअर्कालाई भेट्न गाह्रो हुन सक्छ, त्यसैले यस्ता स्थानहरूबाट टाढा रहनु राम्रो हुन्छ। सामान्यतया, सहयोग प्राप्त गर्ने स्थान (जस्तै कार्यालय/अस्पताल/विद्यालय/बालविकास केन्द्र/बालवाटिका आदि) मा "स्थानीय भेटघाट" गर्नुहोस्। साथै, आपतकालीन अवस्थाको लागि, सो दिन सम्पर्क गर्न सकिने फोन नम्बर पहिले नै स्वयंसेवकलाई जानकारी गराउन सकिने छ ।

A: स्पट स्वयंसेवकहरूले परामर्श वा जाँचमा साथ दिन सक्छन्, तर जाँचको सामग्रीलाई ठ्याक्कै र पूर्ण रूपमा अनुवाद गर्ने चिकित्सा अनुवादकको रूपमा काम गर्न सक्दैनन्। स्पट स्वयंसेवकहरूको भूमिका प्रक्रियाहरू र परामर्शलाई सहज बनाउन, स्वास्थ्यकर्मीहरूसँगको संचारलाई सहयोग पुर्‍याउनु हो। कृपया यस बुँदालाई बुझेर मात्र अनुरोध गर्नुहोस्। यदि विशेष चिकित्सा अनुवादक आवश्यक छ भने, यो सेवा शुल्कमा उपलब्ध गराउन सकिन्छ, त्यसैले कृपया कार्यालयमा सम्पर्क गर्नुहोस्।