अवधि समाप्ति【OFP नयाँ व्यवसाय समर्थन दान अभियान】छिमेकीको शक्तिलाई उपयोग गर्दै, धेरै मानिसहरूसँग आत्मीय सम्बन्ध बनाऔं ～ साना रमाइला सम्बन्धहरूको थुप्रोबाट, समाजको समग्र सहिष्णुतामा ～

दान अभियानको अवधिमा तपाईँको धेरै सहयोगको लागि धन्यवाद।
हामी निरन्तर दान स्वीकार गर्दैछौं। सबै सहयोगका तरिकाहरूको लागि दान गरेर समर्थन गर्नुहोस् हेर्नुहोस्।

【OFP नयाँ व्यवसाय समर्थन दान संकलन अभियान】
छिमेकीको शक्तिलाई उपयोग गर्दै, धेरै मानिसहरूसँग आत्मीय सम्बन्ध बनाऔं
～साना रमाइला सम्बन्धहरूबाट, समाजको समग्र सहिष्णुता तर्फ ～

यदि तपाईंले कर कटौतीको फाइदा लिएर दान गर्न चाहनुहुन्छ भने, कृपया Give One वा Benevity मार्फत गर्नुहोस्।

नजिकै भए पनि देख्न सकिँदैन - वास्तविकता नबुझ्दा सतहमा मात्र सीमित हुन्छ

"मलाई थाहा छ कि हेर्दा डर लागे जस्तो हुने वा भाषा नबुझ्ने सोचेर म आफैंले नै बार लगाउने गर्छु।"
"हामीलाई सानैदेखि सार्वजिनक स्थलहरू र रेलमा ठूलो स्वरमा नबोल्ने, बाहिरको फोहोर घरमा ल्याउने जस्ता कुराहरू सिकाइएको हुन्छ। मआशा गर्छु कि त्यस्ता सांस्कृतिक मूल्यहरूको कदर होस्।"
"म विदेशीहरूसँगको अन्तरक्रियामा सहभागी हुन चाहन्छु यदि केही गर्न सकिने भएमा सहयोग पनि गर्न चाहन्छु।तर, बाटोमा हिँड्दा अचानक कसैसग कुरा गर्ने अवस्था पनि हुँदैन. ... कसरी जाेडीन सकिन्छ होला?"

विदेशी बासिन्दाहरूसँग वास्तविक सम्बन्ध नभएको बेला, प्रायः जापानीहरू यस्तै सोच्ने गर्दछन् ।
अमेरिका र युरोपको आप्रवासी समस्याको बारेमा समाचारमा सुन्दा, जापानमा पनि विदेशीहरूको संख्या बढ्दैछ, के यो ठीक छ त? तर, यदि विदेशी श्रमिकहरू नभए भने, आर्थिक र सामाजिक संरचना कायम रहन सक्दैन भन्ने वास्तविकता पनि छ। केही जटिल भावना उत्पन्न हुन्छ.....

तर, अर्कोतर्फ, जापानमा बसोबास गर्ने विदेशी बासिन्दाहरूले दैनिक जीवनमा विभिन्न कठिनाइहरू र चिन्ताहरू सामना गर्छन् र दैनिक जीवनमा अफ्ठेराे परिरहेको छ।
"प्रसूति सेवा दिने अस्पताल खोज्न गाह्रो भयो"
" प्रारम्भिक विद्यालयमा भर्ना गराउन चाहन्छु, तर ५ ठाउँले अस्वीकार गरिसके"
"विदेशी नागरिक भएको कारणले मात्र दर्जनौं घर भाडामा लिने आवेदनहरू अस्वीकृत गरिन्छ"
"सरकारी पत्रका जानकारि बुझ्न सक्दिनँ। प्रक्रिया अघि बढ्न सक्दैन।"
"जापानी परम्परा र संस्कृतिबारे जान्न चाहन्छु तर भरपर्दो जापानी सल्लाहकार छैन"
"केवल कम्पनीका जापानी सहकर्मीहरू मात्र चिनेकाले धेरै साँघुरो छ, म कम्पनी बाहेकका जापानीहरूसँग जोडिन चाहन्छु"
"जापानी साथी बनाउन सकिएन"

आजकल, जापानमा बसोबास गर्ने विदेशी बासिन्दाहरूको संख्या धेरै बढिरहेको छ, तर विदेशी बासिन्दाहरू र जापानी बासिन्दाहरू एक अदृश्य पारदर्शी पर्खालकाे विभाजन छ , जसले गर्दा उनीहरूका भावना र अवस्थाहरू एकअर्कासम्म पुग्न सक्दैनन्, जसका कारण गलतफहमी र अविश्वास उत्पन्न भइरहेका छन्।
यसरी नै जारी रहेमा, समाजको "सद्भाव" मा दरार पर्न सक्छ।

व्यक्तिगत रूपमा गर्न सकिने कुराहरू - संवाद गर्न सकिने सम्बन्धबाट

जापानले विश्वमै दुर्लभ मानिने कडा आप्रवासन व्यवस्थापन प्रणाली लागू गरेको छ, तर विदेशी कामदारलाई स्वीकार गर्ने घोषणा गरेपछि, वास्तविक 'आप्रवासन युग' सुरु भएको छ। यद्यपि, एउटै आप्रवासन शब्द प्रयोग हुदा पनि, पैदल सीमा पार गर्ने र बसोबासको अनुमति नभएका आप्रवासीलाई मात्र वार्षिक २० लाख जनालाई स्वीकार गर्ने अमेरिका वा सामान्य अवस्थामा पनि वार्षिक ३०-४० लाख आप्रवासीलाई स्वीकार गर्ने युरोपसँग आधारभूत भिन्नता छ। जापानमा १२० वर्षभन्दा बढी पहिले 'आन्तरिक आवास विवाद' भए सँगै, विदेशी बासिन्दासँग सँगै बस्ने अनुभवमा जापान धनी भन्न सकिँदैन। विदेशी बासिन्दासँग कसरी सहअस्तित्व गर्ने भन्ने कुरा नयाँ चुनौती हो र यो टार्न नसकिने महत्वपूर्ण मुद्दा हो।
विश्वव्यापीकरणको विकास र कम जन्मदर तथा वृद्ध समाजको सामना गर्नका लागि विविधता र सहिष्णुतायुक्त समाज राम्रो हुन्छ। केवल "बौद्धिक" मात्र नभइ, भावना र संवेदनाको माध्यमबाट वास्तविक अनुभव आवश्यक छैन र?

धेरैजसो जापानीहरूका लागि, विदेशी बासिन्दाहरूको जीवनको वास्तविकता थाहा छैन, र लगभग आधा जनसंख्याको विदेशीहरूसँग कुनै सम्पर्क छैन भन्ने सर्वेक्षण तथ्यांक छ।सतही अन्तर्राष्ट्रिय समझदारीलाई पार गर्दै, व्यक्तिगत स्तरमा आपसी समझदारीलाई गहिरो बनाउँदै, संवाद गर्न सक्ने सम्बन्ध बनाउनका लागि विभिन्न अवसरहरू सिर्जना गर्नु आवश्यक छ।

OFP ले अभ्यास गर्दै आएको कुरा - दैनिक अन्तर्क्रियाहरूले सहयोग पुर्‍याउँछन्

विशेष पृष्ठभूमि भएका विदेशी बासिन्दाहरूलाई सहयोग र विशेषज्ञता आवश्यक पर्ने सहयोगहरू प्रशासन र विशेषज्ञ संस्थाहरूले यसअघि पनि गर्दै आएका थिए। तर, जापानमा बसोबासको अनुभव कम भएका धेरैजसो विदेशी बासिन्दाहरूको दैनिक जीवनका समस्याहरूको सन्दर्भमा, भाषा र सामाजिक चलन फरक हुने र परामर्श गर्ने कोही नभएको अवस्थामा, कहाँ के गर्न सकिन्छ (वा सकिँदैन) भन्ने कुरा सबै आफैंले खोज्नुपर्ने, र समय र श्रम धेरै लाग्ने हुँदा दैनिक समस्याहरूलाई एक-एक गर्दै पार गर्नुपर्ने स्थिति छ।

यस ठूलो खाली ठाउँको लागि, JII(जेआइआइ) ले चार वर्षअघि जापानमा पहिलो पटक "ओतोनारी-सान् फामिली फ्रेन्ड प्रोग्राम (OFP)" सुरु गर्यो। यो जापानको पहिलो प्रयासको रूपमा, जापानी बासिन्दाहरूको नेतृत्वमा, विदेशी बासिन्दाहरूको जीवनयापनको कठिनाइ र एक्लोपनलाई हटाउने, समुदायमा स्वागत गर्ने, र एकअर्कासँग मिलेर बस्न सक्ने समाजको लक्ष्य राख्ने गतिविधि हो। OFP मार्फत मानिसहरूलाई जोड्दै, सँगै बस्ने समाजको सदस्यको रूपमा एकअर्कालाई स्वीकार गर्दै अघि बढ्छौं।

OFP ले मूल तहको दृष्टिकोणको रूपमा, १४०० भन्दा बढी जापानी स्वयंसेवकहरू र विदेशी सहभागीहरूलाई स्वागत गर्दै, स्थिर सम्बन्ध निर्माणको लक्ष्य राख्दै, विदेशी सहभागीहरूलाई स्थानीय जापानी स्वयंसेवकहरूसँग साझेदारी गर्ने क्रियालाई ध्यानपूर्वक सम्पन्न गरेको परिणामस्वरूप, साझेदारी सफलताको दर र छ महिनाको गतिविधि उपलब्धि दर दुवै ९०% को आसपास हासिल गरेको छ।
धेरैजसो केसहरू,छ महिनाको गतिविधि अवधि समाप्त भएपछि, साँचो साथी बन्ने र लामो समयसम्म सम्बन्ध कायम राख्ने छन्।

हामीले महत्व दिने कुरा भनेको, सहयोगको एकतर्फी सम्बन्ध होइन, तर जापानी बासिन्दा र विदेशी बासिन्दाबीच समान सम्बन्ध निर्माण गरेर, संवादको माध्यमबाट आपसी समझदारी र विश्वासलाई गहिरो बनाउने गतिविधिहरूको माध्यमबाट प्रत्येक व्यक्तिलाई नजिकबाट सहयोग पुर्‍याउने हो, जसबाट धेरैको सहानुभूति प्राप्त गर्दै यो फैलाइएको छ।

OFP का गतिविधिहरू केवल विदेशी बासिन्दाहरूलाई समर्थन गर्ने मात्र होइन। यो एउटै समाजका बासिन्दाहरू बीचमा बलियो सम्बन्ध बनाउने, साना रमाइला सम्बन्धहरूबाट व्यक्तिहरूलाई नयाँ सिकाइ र संसारसँग भेट्ने अनुभव दिने र समाजमा मित्रताको बीउ रोप्ने चाहनामा आधारित छ।

नयाँ चुनौतीमा सहयोग गर्नुहोस् ～ आर्थिक प्रतिफलभन्दा पनि महत्वपूर्ण मूल्य ल्याउने लगानी ～

हामीले चार वर्षको अवधिमा बालबच्चा हुर्काइरहेका परिवार, कम्पनी कर्मचारी, गर्भवती महिला, विदेशी विद्यार्थी, ALT, शरणार्थी र विस्थापित व्यक्तिहरू जस्ता धेरै विदेशी बासिन्दाहरूको जीवन सहयोगमा संलग्न भएका छौं।
यस क्रममा, विदेशी सहभागीहरूलाई स्थानीय जापानी स्वयंसेवकहरूसँग साझेदारी गर्ने क्रियाको ज्ञान र शरणार्थी सहायता मार्फत थप व्यक्तिहरूलाई उपयुक्त सहयोग पुर्याउनको लागि अनुभव संकलन गरेका छौं।
अहिले, यी सबैलाई पूर्ण रूपमा उपयोग गर्दै, नयाँ परियोजना "हेल्पडेस्क (स्पट ओतोनारी-सान्) (अस्थायी)" प्लेटफर्मको निर्माणको लक्ष्य राखेर अघि बढिरहेका छौं। यस प्रणालीमा, विदेशी बासिन्दाहरूले सामना गर्ने छोटो अवधिको समस्याहरूमा छिटो र लचिलो रूपमा सहयोग प्रदान गरिन्छ।

【स्पट ओतोनारी-सान् भनेको के हो】कल्याण, बाल शिक्षा, स्वास्थ्य सेवा, र जीवनको आधारभूत सेवाहरूको क्षेत्रमा विदेशी बासिन्दाहरूका समस्याहरूको सम्बन्धमा, ओतोनारी-सान् द्वारा विशेष रूपमा सहयोग गर्न सकिने गतिविधि हो। वास्तवमा, यो शरणार्थी र विस्थापितहरूलाई सहयोग गर्ने क्रममा धेरै पटक अभ्यास गरिएको गतिविधि हो, र भविष्यमा शरणार्थी वा विस्थापित पृष्ठभूमि नभएका व्यक्तिहरूमा पनि विस्तार गर्ने योजना छ।

अहिले, AI अनुसन्धानमा विशेषज्ञता राख्ने IT इन्जिनियर विकास टोलीमा सामेल भएका छन्, र यस क्रान्तिकारी प्रणालीको कार्यान्वयन सम्भव भएको छ।
प्ल्याटफर्म निर्माणको लागि प्रारम्भिक लगानी र निरन्तर सञ्चालनको लागि कोष आवश्यक छ।
OFP एक गैर-नाफामूलक संस्था हो जसले उच्च सार्वजनिक हितका लागि काम गर्दछ। अहिलेसम्म, यसले निजी अनुदान संस्थाहरूबाट प्राप्त अनुदानमा निर्भर गर्दै आएको छ। तर, यस पटकको नयाँ परियोजनाका लागि अनुदानको लागि आवेदन दिइएको भए तापनि, अनुदानको प्रकृति नै उपलब्धिहरूमा आधारित भएकाले अस्वीकृत हुने जोखिम पनि ठूलो छ।
सामान्य गतिविधि सञ्चालन बाहेक, प्ल्याटफर्म सुरु गर्नको लागि प्रारम्भिक विकास खर्च, सर्भर खर्च लगायत, न्यूनतम थप कोषको रूपमा २० लाख येन आवश्यक छ।

यस गतिविधिको लक्ष्य विदेशी बासिन्दाहरूको लागि मात्र सहयोग गर्नु होइन। हामी प्रत्येकले एकअर्कालाई समर्थन, सिकाइ, र समझदारीको माध्यमबाट सबैलाई बस्न सजिलो समाज निर्माण गर्नु हो। जब तपाईंले भेन्चर वा शेयरमा लगानी गर्नुहुन्छ, तपाईंलाई पैसाको रूपमा प्रतिफल प्राप्त हुन्छ, तर OFP जस्ता उच्च सार्वजनिक हितका गतिविधिहरूको हकमा, "नयाँ प्रणाली निर्माण गर्ने र मानिसहरूको जीवनशैली परिवर्तन गर्ने अवसर", "व्यक्तिलाई नयाँ अनुभव प्रदान गर्ने", "आफ्नो चाहेको सामाजिक परिवर्तनलाई समर्थन गर्ने" जस्ता, पैसाले नाप्न नसकिने, "अझ राम्रो समाज" प्रतिफलको रूपमा प्राप्त हुन्छ।

हरेक व्यक्तिलाई कहिलेकाहीं सहयोगको आवश्यकता पर्छ, र हामी विश्वास गर्छौं कि सहयोगलाई मात्र उद्देश्य नबनाई, कसैसँग कसैको सम्बन्धले ठूलो शक्ति प्राप्त गर्न सक्छ, र यसले आनन्द र सम्भावनाहरूको सिर्जना गर्दछ।

कृपया, यस नयाँ चुनौतीमा सहयोग गर्नुहोस्।
OFP को गतिविधिहरूलाई समर्थन गर्दै, "सहअस्तित्व समाज" सँगै निर्माण गर्ने साथी बन्नुहोस्।
हामी तपाईंको समर्थन सन्देश र सुझावहरूको पनि प्रतीक्षा गरिरहेका छौं!
कृपया यस गतिविधिलाई आफ्ना साथीहरू र परिवारसँग साझा गर्नुहोस् र समर्थनको दायरा विस्तार गर्नुहोस्।

हामीसँगै साना कदमहरू उठाउँदै अगाडि बढौं।
त्यो एक कदमले भविष्यलाई परिवर्तन गर्ने ठूलो शक्ति बन्न सक्छ भन्ने विश्वास छ।

यदि तपाईंले कर कटौतीको फाइदा लिएर दान गर्न चाहनुहुन्छ भने, कृपया Give One वा Benevity मार्फत गर्नुहोस्।

यदि तपाईंले कर कटौतीको फाइदा लिएर दान गर्न चाहनुहुन्छ भने, कृपया Give One वा Benevity मार्फत गर्नुहोस्।

स्तम्भ

यदि तपाईंले कर कटौतीको फाइदा लिएर दान गर्न चाहनुहुन्छ भने, कृपया Give One वा Benevity मार्फत गर्नुहोस्।

जेआइआइ(JII) दान महिना अभियानको समर्थक साझेदार हो!
#OFP #दानमहिना #दानमहिना2024 #डिसेम्बरदानमहिना